बैल पोळा मराठी निबंध, Bail Pola Information in Marathi

आजच्या या लेखात, मी तुमच्यासाठी घेऊन आलो आहे बैल पोळा किंवा बेंदूर सणावर मराठी निबंध (Bail Pola information in Marathi). बैल पोळा किंवा बेंदूर सणावर लिहिलेला हा निबंध मुलांसाठी आणि सर्व वर्गांसाठी अगदी पहिली पासून ते महाविद्यालयीन विद्यार्थ्यांसाठी उपयोगी आहे.

तुम्ही तुमच्या शाळा किंवा महाविद्यालयीन प्रकल्पासाठी बैल पोळा किंवा बेंदूर मराठी माहिती निबंध (Bail Pola essay in Marathi) वापरू शकता. आमच्या या वेबसाइटवर इतर विषयांवर सुद्धा मराठीमध्ये निबंध आहेत, ते सुद्धा आपण आपण वाचू शकता.

बैल पोळा मराठी निबंध, Bail Pola Information in Marathi

पोळा, बैल पोळा किंवा बेंदूर हा सण शेतकऱ्याच्या लाडक्या बैलाच्या सन्मानाचा उत्सव आहे जो प्रामुख्याने मध्य प्रदेश, छत्तीसगड आणि महाराष्ट्रात मधील शेतकरी साजरा करतात. तेलंगणाच्या काही भागातील लोक याच बैल पोळा सणाला पुलाला अमावस्या असेही म्हणतात.

परिचय

महाराष्ट्रात या सणाला बेंदूर सुद्धा म्हटले जाते. बेंदूर हा उत्सव साधारणपणे मध्य आणि पूर्व महाराष्ट्रातील आणि मराठी लोकांमध्ये जास्तकरून साजरा केला जातो.

Bail Pola information in Marathi

तसेच हा उत्सव भारतातील इतर ठिकाणी सुद्धा साजरा केला जातो, दक्षिण भारतात या सणाला मट्टू पोंगल असे म्हणतात आणि उत्तर व पश्चिम भारतात गोधन म्हणतात. बैल पोळा हा सण साधारणपणे श्रावण महिन्याच्या पिठोरी अमावस्येच्या दिवशी येतो.

बैल पोळा का साजरा केला जातो

आपल्या देशात शेती हा मुख्य व्यवसाय आहे, खूप सारे लोक शेतीवर अवलंबून आहेत. बैल हा शेतकरी राज्याचा मित्र आहे. बैल शेतीच्या कामात खूप राबतात. जरी काही लोक आजकाल शेतीसाठी ट्रॅक्टर वापरत असले तरी अजून सुद्धा लोक बैलांचा वापर करतात. अजून सुद्धा शेतीची अवजड कामे जसे कि नांगरणी, पेरणी, मळणी, पिकाची वाहतूक हि बैलांच्या साह्यायानेच केली जाते. ज्यावेळी वाहने नव्हती त्यावेळी सर्व लोक या गावाहून, त्या गावाला जायला बैलगाडीचा वापर करत असत. बैलाचे शेतकऱ्याच्या आयुष्याशी खूप जवळचे नाते होते. आपल्या या मित्राचे आभार मानण्यासाठी शेतकरी राजा दरवर्षी बैल पोळा सण साजरा करतो.

पोळ्याच्या दिवशी बैलांची सजावट कशी केली जाते

बैल पोळा हा सण पावसाळ्यातील पेरणी संपल्यानंतर ऑगस्टच्या शेवटी किंवा सप्टेंबरच्या सुरूवातीच्या दिवसात बैल पोळा सण येतो. या दिवशी सकाळी बैलांना आंघोळ घातली जाते, माझे वडील तर बैलांना या दिवशी गरम पाणी वापरूनच अंघोळ घालतात. बैलांची शिंगे कोरली जातात. नंतर त्यांना रंगवले जाते.

बैलांना रंगवण्यासाठी आम्ही रंग, फुले, माळा, घुंगरू, इत्यादी वस्तू घेऊन ठेवायचो. बैल पूर्णपणे सुकले कि त्यांना सजवले जाते. गळ्यात सुंदर घंटा बांधली जाते, पायात छमछम वाजणारे घुंगरू बांधले जातात, शिंगाना रंगबिरंगी फुले किंवा माळा लावल्या जातात. बैलांची शिंगे सुद्धा वेगवेगळे रंग वरून रंगवली जातात. सर्व शेतकरी आपल्या बैलांना कशा पद्दतीने अजून चांगले नटवता येईल याचा प्रयत्न करतात.

या दिवशी काही ठिकाणी बैल पोळ्या दिवशी बैलांच्या साजवटीच्या स्पर्धा सुद्धा आयोजित केल्या जातात, या स्पर्धेत प्रथम येणाऱ्या बैल जोडीला बक्षीशे सुद्धा असतात म्हणून शेतकरी आपले बैल खूप मेहनत करून सजवतात. बैलाच्या पाठीवर एक सुंदर मऊ शाल टाकली जाते, शक्यतो ती गुलाबी किंवा लाल रंगाची असते.

काही जण आपली कलात्मकता वापरून बैलाच्या अंगावर विविध रंगाचे आणि आकाराचे ठिपके सुद्धा काढतात. हे सर्व पाहणे डोळ्यांना वेगळाच आनंद देणारे असते.

सजावट पूर्ण झाल्यावर गावातील सगळे शेतकरी आपआपल्या बैलांना घेऊन एका सार्वजनिक ठिकाणी जमतात जसे कि गावचा पार, गावचे मंदिर, चौकाचे ठिकाण, इत्यादी. सगळे लोक एकत्र जमल्यानंतर तिथे बैलांची पूजा केली जाते, सर्व लोक त्यांच्या पाया पडतात, त्यांच्या शेतकऱ्यांना करत असलेल्या मदतीला प्रणाम करतात आणि त्यांना पोळ्यासाठी बनवलेल्या विशिष्ट गोड नेवैद्य दिला जातो.

आमच्या गावात सर्व बैल जोडींची मिरवणूक काढली जाते. वाजत गाजत त्यांची मिरवणूक गावच्या वेशीपर्यंत जाते आणि तिथून परत येते. वयस्कर लोक या दिवशी लेझीम सुद्धा खेळतात. यांनतर सर्व शेतकरी आपली बैल जोडी घेऊन घरी जातात. घरी गेल्यावर बैलांना गोड नेवैद्य दिला जातो.

बैल पोळा सणाबाबत माझे मत

बैल पोळा हा सण बैलांनी शेतकरी वर्गाला शेतीमध्ये त्यांनी केलेल्या मदतीसाठी आभार मानण्यासाठी साजरा केला जातो. आजकाल शेतीसाठी अत्याधूनिक उपकरणे उपलब्ध झाली आहेत, आता लोक ट्रॅक्टर घेत आहेत आणि त्याच्या मदतीने शेतीची कामे करत आहेत. शेतीमध्ये बैलाचा वापर आजकाल फक्त गरीब शेतकरी करतात.

वाढत्या तांत्रिक उपकरणांमुळे हळूहळू शेतीच्या कामांमध्ये बैलांचा वापर कमी होऊ लागला आहे, पूर्वी आमच्या गावी प्रत्येक घरी बैलजोडी होती आणि आता फक्त मोजक्या लोकांकडे बैलजोडी राहिली आहे. काही दिवसांनी बैलपोळा साजरा करणे एक परंपरा फक्त नावापुरती राहू शकते.

बैल पोळा हा जरी महत्वाचा सण नसला तरी हे सण आपण साजरे केले पाहिजेत. आपल्या देशात ही आपली संस्कृती आहे आणि असे छोटे छोटे सण आपली संस्कृती जपून ठेवतात. मग ते बैल पोळा असो, गुढी पाडवा असो किंवा होळी असो. नवीन गोष्टी अवगत करत असताना आपण आपली संस्कृती सुद्धा जपली पाहिजे.

तर हा होता बैल पोळा किंवा बेंदूर सणावर मराठी निबंध, मला आशा आहे की आपणास बैल पोळा वर मराठी निबंध (essay on Bail Pola in Marathi) आवडला असेल. जर आपल्याला हा लेख आवडत असेल तर हा लेख आपल्या मित्रांसोबत शेअर करायला विसरू नका.

2 thoughts on “बैल पोळा मराठी निबंध, Bail Pola Information in Marathi”

Leave a Reply to Marathi Social Cancel reply