राहुल द्रविड माहिती मराठी, Rahul Dravid Information in Marathi

आजच्या या लेखात, मी तुमच्यासाठी घेऊन आलो आहे राहुल द्रविड यांच्याबद्दल माहिती मराठी भाषेत (Rahul Dravid information in Marathi). राहुल द्रविड यांच्या जीवनावरील हा माहिती लेख मुलांसाठी आणि सर्व वर्गांसाठी अगदी पहिली पासून ते महाविद्यालयीन विद्यार्थ्यांसाठी उपयोगी आहे.

तुम्ही तुमच्या शाळा किंवा महाविद्यालयीन प्रकल्पासाठी राहुल द्रविड यांच्यावर मराठीत माहिती (Rahul Dravid biography in Marathi) वापरू शकता. आमच्या या वेबसाइटवर इतर अनेक प्रकारच्या खेळामध्ये असेल्या प्रसिद्ध खेळाडूंची माहिती मराठीमध्ये उपलब्ध आहे, ते लेखसुद्धा आपण आपण वाचू शकता.

राहुल द्रविड माहिती मराठी, Rahul Dravid Information in Marathi

राहुल द्रविड हा एक प्रसिद्ध माजी भारतीय क्रिकेटपटू आहे. राहुल द्रविड हे राष्ट्रीय क्रिकेट अकादमी, बेंगलुरू चे संचालक आहेत.

परिचय

राहुल द्रविड हे भारत अ आणि भारत १९ वर्षाखालील क्रिकेट संघांचा सुद्धा कोच आहेत. त्यांच्या प्रशिक्षणाखाली १९ वर्षाखालील भारतीय संघ २०१६ मध्ये उपविजेता आणि २०१८ मध्ये विजेता ठरला होता. द्रविडने आंतरराष्ट्रीय क्रिकेटमध्ये जवळपास २४,१७७ धावा केल्या आहेत. त्याला भारतीय संघाच्या फलंदाजी गटात द वॉल या नावाने ओळखले जाते.

वैयक्तिक जीवन

राहुल द्रविड यांचा जन्म ११ जानेवारी १९७३ मध्ये इंदोर येथे झाला. काही वर्षांनंतर त्याचे आईवडील बंगलोर येथे स्थायिक झाले. राहुल द्रविड हा मराठी आहे. त्याचे वडील शरद द्रविड हे एका जाम बनवणाऱ्या कंपनीत कमला होते. त्याची आई पुष्पा हि प्राध्यापक होती. द्रविडने आपले शिक्षण सेंट जोसेफ बॉईज हायस्कूल , बेंगलोर येथून पूर्ण केले आहे आणि सेंट जोसेफ कॉलेज ऑफ कॉमर्स, बंगळुरू येथून त्याने वाणिज्य शाखेत पदवी मिळविली. ४ मे २००३ रोजी त्याने विजेता पेंढारकर यांच्याशी लग्न केले. त्याची पत्नी एक एक डॉक्टर आहे. त्यांना २ मुले आहेत.

डोमेस्टिक कारकीर्द

द्रविडने आपल्या वयाच्या १२ व्या वर्षी क्रिकेट खेळण्यास सुरवात केली आणि लगेचच कर्नाटक संघाकडून खेळताना १५, १७, १९ वर्षांखालील कर्नाटक संघाचे प्रतिनिधित्व केले. द्रविडने एकदा आपल्या शाळेच्या संघासाठी खेळताना शतक ठोकले होते.

Rahul Dravid Information in Marathi

द्रविडने आपले महाविद्यालयीन शिक्षण घेत असताना फेब्रुवारी १९९१ मध्ये रणजी करंडक क्रिकेटमध्ये पदार्पण केले. त्याने आपल्या संघाकडून महाराष्ट्र विरुद्ध खेळताना ८२ धावा केल्या ज्यामुळे तो सामना अनिर्णीत राहिला. त्याने बंगालविरुद्ध सामन्यात शतकी खेळी केली आणि त्यानंतर तीन शतके झळकावली. १९९४-९५ मध्ये इंग्लंड ए संघविरुद्धच्या मालिकेत द्रविडने आपल्या भारत अ संघासाठी चांगली कामगिरी करत निवडकर्त्यांचे लक्ष वेधून घेतले.

आंतरराष्ट्रीय कारकीर्द पदार्पण

आपल्या नियमित कामगिरीमुळे १९९४ मध्ये विल्स वर्ल्ड सीरिजच्या शेवटच्या दोन सामन्यांसाठी राहुल द्रविड ला संघात घेतले गेले पण तो अंतिम ११ मध्ये खेळू शकला नाही. द्रविडने अखेरीस ३ एप्रिल १९९६ रोजी आंतरराष्ट्रीय क्रिकेटमध्ये श्रीलंका संघाविरुद्ध खेळताना पदार्पण केले. आपल्या पदार्पणाच्या सामन्यात तो काही विशेष चमक दाखवू शकला नाही. मुथय्या मुरलीधरनने त्याला फक्त तीन धावाया असताना बाद केले. त्या नंतर झालेल्या सामन्यात त्याने पाकिस्तानविरुद्ध फक्त चार धावा केल्या आणि तो धावबाद झाला.

त्याच्या एकदिवसीय क्रिकेट सामन्याच्या कामगिरीच्या तुलनेत कसोटी सामन्यात त्याने यशस्वी पदार्पण केले. देशांतर्गत क्रिकेटमध्ये सातत्यपूर्ण कामगिरीच्या जोरावर द्रविडची इंग्लंड दौर्‍यावर निवड झाली. २० जून १९९६ मध्ये लॉर्ड्स येथे इंग्लंडविरुद्धच्या मालिकेच्या दुसर्‍या कसोटी सामन्यात त्याने महत्त्वपूर्ण भागीदारी रचली, प्रथम सौरव गांगुलीबरोबर आणि त्यानंतर भारतीय संघातील तळाच्या फलंदाजांसोबत फलंदाजी करत आपल्या संघाला पहिल्या डावात महत्त्वपूर्ण आघाडी मिळवून दिली. त्या सामन्यात द्रविडने ९५ धावा केल्या. आपल्या पहिल्याच सामन्यात तो ९५ धावा करून बाद झाला. तिसर्‍या कसोटीच्या पहिल्या डावात त्याने आणखी अर्धशतक झळकावले.

विश्वचषक पदार्पण

द्रविडने १९९९ च्या वर्ल्ड कपमध्ये खेळात आपले विश्वचषक पदार्पण केले. त्याने हॉव येथे आपल्या पहिल्या सामन्यात दक्षिण आफ्रिकेविरूद्ध अर्धशतक झळकावले. पुढच्या सामन्यात झिम्बाब्वेविरुद्ध खेळताना त्याने फक्त १३ धावा केल्या. पण दुर्दैवाने हे दोन्ही सामने भारताने गमावले. पहिले दोन सामने हरल्यामुळे भारताला अंतिम ६ संघात खेळण्यासाठी बाकीचे तीन सामने जिंकण्याची गरज होती.

आपल्या तिसऱ्या सामन्यात केनिया विरुद्ध खेळताना द्रविडने आपले पहिले विश्वचषक शतक झळकावत भारताला ९४ धावांनी विजय मिळवून दिला. या सामन्यात त्याने सचिन तेंडुलकर सोबत २३७ धावांची भागीदारी केली. श्रीलंकेविरुद्धच्या चौथ्या सामन्यात त्याने गांगुली सोबत तब्बल ३१८ धावांची भागीदारी केली. हि एकदिवसीय इतिहासातील पहिली तीनशे धावांची भागीदारी होती.

सौरव गांगुलीच्या साथीने द्रविडने भारताला १५७ धावांनी विजय मिळवून दिला. द्रविडने त्या सामन्यात १२९ चेंडूत १७ चौकार आणि एका षटकारासह १४५ धावा केल्या. अखेरच्या सामन्यात द्रविडने शानदार अर्धशतक ठोकले आणि भारताने इंग्लंडचा पराभव करून सुपर सिक्स संघात प्रवेश केला. भारत ऑस्ट्रेलिया व न्यूझीलंडकडून पराभूत झाल्यामुळे उपांत्य फेरीसाठी पात्र झाला नाही. द्रविडने ८ सामन्यांत एकूण ४६१ धावा केल्या आणि तो विश्वचषक स्पर्धेतील सर्वात जास्त धावा करणारा फलंदाज बनला.

२००३ चा क्रिकेट विश्वचषक

२००३ च्या क्रिकेट विश्वचषकात द्रविडला फलंदाज आणि एक चांगला कीपर म्हणून सुद्धा पाहिले गेले. लीगमधील सामन्यात नेदरलँड्स आणि ऑस्ट्रेलियाकडून पराभव पत्करावा लागल्यानंतर भारतीय संघाने सलग आठ सामने जिंकत फायनल मध्ये प्रवेश मिळवला होता. पण अखेरच्या सामन्यात भारताला ऑस्ट्रेलियाकडून पराभव स्वीकारावा लागला. द्रविडने या विश्वचषकात ३१८ धावा करत १५ झेल आणि एक १ स्टम्पिंग केले होते.

कर्णधार म्हणून कामगिरी

सौरव गांगुली दुखापतग्रस्त झाल्यामुळे त्याच्या अनुपस्थितीत द्रविडने पहिल्या दोन कसोटी सामन्यांमध्ये भारताचा कर्णधारपद भूषवले आणि पाकिस्तानला त्यांच्याच देशात हरवले. भारताने हा सामना एका डावाच्या फरकाने जिंकला. पाकिस्तानने दुसर्‍या कसोटी सामन्यात भारताला हरवून मालिका बरोबरीत केली. द्रविडने रावळपिंडी येथे झालेल्या तिसर्‍या कसोटी सामन्यात दुहेरी शतक झळकावले. त्याने त्या सामन्यात कारकिर्दीतील आपली सर्वोत्कृष्ट कामगिरी करताना २७० धावा केल्या. द्रविडला त्या सामन्यात सामनावीर म्हणून गौरविण्यात आले.

क्रिकेटमधून सेवानिवृत्ती

२००९ मध्ये राहुल द्रविडला एकदिवसीय संघातून वगळण्यात आले आणि २०११ मध्ये त्याला परत इंग्लंडमध्ये एकदिवसीय मालिकेसाठी घेण्यात आले. आपली निवड झाली असताना त्याने जाहीर केले कि मालिका संपल्यानंतर तो वन डे क्रिकेटमधून निवृत्ती घेईल. त्याने आपला शेवटचा सामना खेळताना ७९ चेंडूत ६९ धावा केल्या.

द्रविडने नंतर मार्च २०१२ मध्ये ऑस्ट्रेलिया दौरा झाला कि कसोटी क्रिकेट मधून निवृत्ती जाहीर केली.

काउंटी क्रिकेट

२००० मध्ये केंट संघाने द्रविडला आपल्या संघाकडून काउंटी क्रिकेट खेळण्यासाठी ऑफर दिली. केंटच्या दुसर्‍या सामन्यात द्रविडने १८२ धावा केल्या आणि झिंबाब्वे संघावर १६३ धावांनी विजय मिळविला. झिम्बाब्वेने त्या दौर्‍यावर खेळल्या गेलेल्या प्रथम श्रेणी सामन्यांपैकी केंट हा एकमेव संघ होता ज्याने झिंबाब्वे संघाला पराभूत केले होते.

द्रविडने आपल्या प्रथम श्रेणी सामन्यांत १६ डावात १२२१ धावा केल्या. त्यात २ शतक आणि ८ अर्धशतकांचा समावेश होता. द्रविड हा केंट संघाकडून खेळणारा सर्वोत्कृष्ट फलंदाज म्हणून निवडला गेला. द्रविडने केवळ फलंदाजीद्वारेच नव्हे तर त्याच्या क्षेत्ररक्षणासह १४ झेल आणि ४ गडी धावबाद केले.

इंडियन प्रीमियर लीग

राहुल द्रविड आयपीएल २००८ ते २०१० रॉयल चॅलेंजर्स बंगळुरूकडून खेळला. नंतर तो राजस्थान रॉयल्सकडून खेळला आणि २०१३ मध्ये त्याने आपल्या संघाला चॅम्पियन्स लीग टी-२० च्या फायनलपर्यंत पोचवले होते. २०१३ च्या चॅम्पियन्स लीग नंतर त्याने इंडियन प्रीमियर लीग आणि टी-२० मधून आपली निवृत्ती जाहीर केली.

मिळालेले पुरस्कार

राष्ट्रीय पुरस्कार

  • १९९८ मध्ये क्रिकेटमधील कामगिरीसाठी अर्जुन पुरस्कार
  • २००४ मध्ये पद्मश्री, भारताचा चौथा सर्वोच्च नागरी पुरस्कार
  • २०१३ मध्ये पद्मभूषण, भारताचा तिसरा सर्वोच्च नागरी पुरस्कार

इतर पुरस्कार

  • १९९९ मध्ये सीएट तर्फे आंतरराष्ट्रीय विश्वकरंडक क्रिकेट संघाचा खेळाडू
  • २००० मध्ये द्रविड विस्डेन क्रिकेटर ऑफ द इयर
  • २००४ मध्ये आयसीसीचा वर्षातील सर्वश्रेष्ठ क्रिकेटर
  • २००४ मध्ये आयसीसीचा टेस्ट प्लेअर ऑफ द इयर
  • २००६ मध्ये आयसीसीच्या कसोटी संघाचा कर्णधार
  • २०१५ मध्ये विस्डेन इंडियाचा सर्वाधिक प्रभाव कसोटी फलंदाज
  • २०१८ मध्ये आयसीसी हॉल ऑफ फेम

तर हा होता राहुल द्रविड यांच्या जीवनावरील माहिती मराठी भाषेत लेख. मला आशा आहे की आपणास राहुल द्रविड यांच्या जीवनावरील हा माहिती लेख (Rahul Dravid information in Marathi) आवडला असेल. जर आपल्याला हा लेख आवडला असेल तर हा लेख आपल्या मित्रांसोबत शेअर करायला विसरू नका.

Leave a Comment